Zer egin
Leintz-Gatzagan
250 PERTSONA BAINO GUTXIAGOKO GIPUZKOAKO HERRI HONEK ASKO DAUKA ESKAINTZEKO
Ezagutu historiadun herri bat
Gatz Museoa
Leintz Gatzaga ur gazidun iturriaren inguruan sortu eta garatu da, bere izenak adierazten duenez. Tradizio hau jasoz, gatzaren ekoizpenaren xehetasunak bizi daitezke museoan: gatza egiteko prozesua ikusi daiteke, historian zehar izan diren aldaketak ikusi eta gaur egun berreskuratu den gatz ekoizpenaren nondik norakoak aztertu.
Hiribildua
1331an sortu zen Leintz Gatzaga herri gisa, eta Erdi Aroko egitura bere horretan mantendu du. Dorretxeak, jauregiak, herriko sarrerak, harresia, armarria etab. ikusteko aukera dago Erdi Arora denboran bidaia eginez.
Dorletako Santutegia
Erromatarrek iturburu gazia defendatzeko eraikitako gazteluaren hondarren gainean eraiki zen Dorletako Amaren Santutegia. Urteen poderioz, konponketa ugari egin zaizkio santutegiari eta, ondorioz, estiloen nahasketa agerikoa da.
Frantziatik Gipuzkoara iristen ziren Done Jakue bideko erromesen ostatu izan zen. Gaur egun, Dorletako Ama txirrindularien zaindaria da.
Naturarekin kontaktuan egoteko toki bat
PR-GI 37: Hiruerreketa
Deba ibaiaren sorlekura eramaten gaituen ibilbide honetan, Gatz kulturak utzi digun paisaiaz gozatu dezakegu. Pagadiz eta bestelako hostozabalez osatutako basoak zeharkatuz iritsiko gara Hiruerreketara, Deba ibaiaren jaiotzara.
PR-GI 3001: Aitzorrotz
Arabaren eta Gipuzkoaren arteko bidea Aitzorrotzeko gazteluak zaintzen zuen. Erdi Aroko aztarnak aurkitu zituzten han egindako indusketetan, eta jasotako datuek XII. menderaino garamatzate. Historiaz eta eraikin ederrez betetako bidea da hau, eta merezi du bizikletarekin itzultzea, ibilbidean baitago Dorletako ermita, ziklisten zaindariaren santutegia.
Vasconavarro trenbidea
Gatz Bidea
Gastronomiaz gozatzeko jatetxeak
Arrate
Arrate Jatetxea herrian bertan dago, eta tradizioan oinarritutako plater berritzaileak dastatzeko aukera dago bertan. Nabarmentzeko platerak:
- Arroza bogabantearekin
- Garbantzuak txirlekin
Gure Ametsa
Herritik kanpo kokatzen da, Arabarako bidean. Jatetxe honetan mota askotariko platerrak dastatu daitezke kalitate handiko eta inguruko lehengaiekin eginak. Bertan gozatu daiteke…
- Antxume egosia
- Ahate entsalada foie txirbilekin
Maulanda
Etxe-Zuri
Naturaz inguraturik deskantsatzeko tokia
Gaztainuzketa
Aterbe
Areano
